您的購物袋內沒有商品！
會員中心
收藏
訂單記錄
YJ愚見
香港烈酒稅：減稅對你有咩影響？最近，香港政府調整咗烈酒稅率：對首$200嘅烈酒徵100%稅，其後部分只徵10%。呢個新政策令我哋店舖電話響個不停，大家都問：
既然咁，我就寫篇文章同大家講清楚。
新稅制講乜？
頭$200：徵100%稅，即如果你買支$200嘅酒，稅就係$200。
超過$200部分：稅率降至10%，對於貴價酒，稅負輕咗好多。
以$1000酒款入口為例，稅金為$280 ($200 + $80)，相比起原本$1000大幅減省左$720
(本港約84%已完稅烈酒（以公升計）的進口價均在200元以下。)
消費者有咩著數？
高級烈酒迷: 理論上，貴價酒可能會平啲，令你可以更開心享受高級酒。
普通飲家: 平價酒影響唔大，因為基本上都係首$200範圍。
但係，問題係……
最終定價權在於批發商：價格會唔會平，唔單止睇稅率，仲要睇批發商嘅策略。(以我情報所知就係各大行都係睇定D，計下數再算)
品牌統一訂價：有啲品牌行全球統一價，減稅對佢哋有利，但對你未必有直接影響。(e.g. Macallan)
唯一立即有反應既就係中國白酒類既酒商，今日已經率先大減價...
從各大行反應都知，有D已經一早知，有D根本唔知
坦白講減稅依個舉動係幫緊邊個?
大家都係業界重要人物(當然唔包括我地)，政府有冇真係咨詢過?
係唔係特定為左某個產業散貨?
依個就要大家自己推敲
美其名，呢個方案有三個著數：
首先，平價酒嘅稅收穩陣(政府受益)；
其次，唔會因為稅低搞到大家飲過量(30%ABV以下就唔會過量?)；
最後，高價酒有優惠，可能會帶旺高端市場。(通縮、消費信心問題，究竟想帶旺邊一個群組買邊一類高價產品?)
最後究竟有冇人受惠? 不得而知
