如何辨別真假威士忌 - 入門篇

如何辨別真假威士忌 - 入門篇

各位酒友，大家好！小編喺酒界打滾咗一段時間，最近機緣巧合下開始寫一啲關於分辨真假酒嘅文章。
講真，呢類文章真係鳳毛麟角，平時都好少見到其他威士忌行家會寫，搞到我都覺得有啲奇奇怪怪，
唔知寫完之後會唔會得罪人，後果會係點呢？

不過，唔理咁多啦！小編就略盡綿力揭開威士忌造假嘅神秘面紗！

正所謂「知己知彼，百戰百勝」，喺教大家點樣分辨真假 Macallan 之前，首先要了解一下造假嘅慣用伎倆。

威士忌造假嘅手法可以分為以下幾大類：

1. 整瓶仿冒： 

呢招可以話係最常見，亦都係最離譜嘅造假方式。呢班造假者真係「用心良苦」，會完全仿造一個品牌嘅威士忌，由酒瓶、酒標、包裝到封口，全部由自己創意出發。之不過，由於成本所限，呢啲假酒嘅包裝材質同印刷品質通常都比較「流」，只要細心觀察，就會發現 flaws 處處。另外，呢啲假酒嘅酒液品質簡直係令人不敢恭維，好可能係用廉價酒液或者工業酒精(甲醇)溝出嚟，飲完隨時「包你入廠」！

2. 回收酒瓶和包裝： 
呢招就比較「高明」啦！造假者會回收正品威士忌嘅酒瓶同包裝，然後灌入低品質嘅酒液或者其他酒類，再重新封裝出售。由於酒瓶同包裝本身係真嘅，所以消費者好難單憑外觀分辨真偽，真係防不勝防！依一類假酒比整瓶仿冒既酒更危險，因為冇專業知識或工具在手，你根本冇可能分辨到，只可以信賣家或搵有信譽既商家，不過坦白講，根據小編不科學既統計，就算店家有一半以上都係一知半解，所以作為買酒既你一定要自己學識分真假！

3. 年份造假： 

都係嗰句啦，年份係決定威士忌價值嘅重要因素之一。呢班造假者就係睇準呢一點，將年份較新嘅威士忌偽造成年份較舊嘅威士忌，從中賺取差價。呢種情況喺一啲稀有年份嘅威士忌中尤為常見，所以大家購買時要加倍小心！

4. 產地造假： 
(FOOD PAIRING打冷用?)

一講起蘇格蘭單一麥芽威士忌或者日本威士忌，大家第一時間就會聯想到「高品質」、「稀有」呢啲字眼，價格自然水漲船高。呢班造假者就係利用消費者嘅呢種心理，將其他產區嘅威士忌偽造成呢啲特定產區嘅威士忌，從中牟取暴利。市面上有一枝只係賣 $4-500 嘅「日本」威士忌，唔少行家都入咗貨，其實入貨前有冇認真查過來源? (仲要係淘寶樽淘寶塞) 你亦會發覺市面上較專業既鋪頭係唔會有個枝酒出現

一般分辨假酒方法:

第一關 - 酒色

• 觀察顏色：假酒嘅顏色可能唔自然，過於深或者淡，依個部份最好搵一枝真酒去做對比否則好難憑肉眼分辨 
  => 純分顏色係幫唔到分真假，加上可以調色，一樣都唔代表係真
• 搖晃瓶子：搖晃之後睇下酒液點樣流動，假酒通常黏稠度唔同。
  => 同一道理，純分黏稠度係幫唔到分真假，一樣都唔代表係真，當然唔一樣梗係有一枝出問題

第二關 - 酒瓶、酒盒
(Macallan 12 Sherry Oak 假樽為偏綠，正貨為透白)
(Macallan Edition No.1 木盒限量1500個，但市面有過萬，全世界有不少人中招，當然香港都一樣，中招比例極高)

• 檢查瓶身、重量、尺寸、色彩及色調：仿造酒瓶開模費用非常昂貴，要完美複製根本非常困難，所以一般做工都會好求其，細心觀察甚至唔需要有真酒做對比都可以分辨

第三關 - 酒標
現今好幾個大品牌都已經開始對酒標既印刷投入大量既投資，務求飲家或收藏家都可以買得安心，就以Macallan為例，封鉛內膜的螢光於2010年正式應用係酒瓶當中，另外更有鐳射標籤，再加上防止再填充的包裝技術，務求令假酒得以消失

• 墨水：檢查印刷質量，真酒標嘅墨水顏色均勻，唔易褪色，假酒可能顏色唔均。

• 細緻度：觀察細節，真品標籤嘅字體同圖案清晰，假酒可能模糊或者有錯。

• 防偽特徵：留意防偽標籤或者隱藏標誌，呢啲通常係防假冒嘅重要特徵。

• 紙質：摸下標籤嘅紙質，真品通常用優質紙張，假酒可能用劣質材料。

第四關 - 封口
封口為最重要關卡，因為以上三關用回收瓶 (用原廠酒樽酒標) 做假基本上都冇可能分得出只有封口位置原好無缺我地先會確定為真酒

• 封口材料：真酒通常用高品質材料，好似天然軟木，假酒可能用劣質材料。
• 封口完整性：檢查封口有冇損壞或者被打開過嘅痕跡，真酒封口應該完好無損。
• 封口設計：留意封條上有冇品牌標誌或者獨特設計，呢啲通常係防偽嘅特徵。